Frétt

05. 06 2018

Getur þú orðið blóðgjafi?

Þeir sem eru á aldrinum 18-65 ára geta í það minnsta athugað hvort þeir geta orðið blóðgjafar.
Við viljum endilega fá alla til að koma og athuga hvort þeir geti gerst blóðgjafar.
Gott er að vita að:

  • Ef þú ert á aldrinum 18 - 65 ára, yfir 50 kg að þyngd og heilsuhraust/ur getur þú gerst blóðgjafi
  • Í hvert skipti sem þú kemur til að gefa blóð þarftu að framvísa persónuskilríkjum með mynd og þú ert skráður í tölvukerfi Blóðbankans
  • Þú þarft að fylla út heilsufarsskýrslu sem þú undirskrifar og samþykkir þar með að allar upplýsingarnar sem þú gefur upp séu réttar
  • Jafnframt samþykkir þú að gefa blóð, sjá bækling "upplýsingar varðandi blóðgjöf"
  • Hjúkrunarfræðingur fer yfir heilsufarsskýrsluna með þér og mælir blóðþrýsting og púls
  • Heilsufarsskýrslan er mikilvægur liður í öryggisneti Blóðbankans og á að tryggja öryggi bæði blóðgjafa og blóðþega
  • Starfsfólk Blóðbankans er bundið þagnarskyldu svo farið er með allar upplýsingar sem trúnaðarmál
  • Þér er velkomið að spyrja starfsfólk Blóðbankans spurninga hvenær sem er í blóðgjafarferlinu
  • Við fyrstu komu gefur þú ekki blóð heldur eru einungis tekin blóðsýni til:
  •     Blóðflokkunar- og rauðkornamótefnaskimunar
  •     Járnbirgðamælingar
  •     Almennra blóðrannsókna
  •     Skimunar fyrir lifrarbólgu B og C auk HIV
  • Eftir u. þ. b. 2 vikur mátt þú koma og gefa blóð ef niðurstöður blóðrannsókna eru í lagi 
  • Ef eitthvað er athugavert við niðurstöðurnar er haft samband við þig
  • Karlar geta gefið blóð á 3ja mánaða fresti og konur á 4ra mánaða fresti
  • Virkir blóðgjafar geta gefið blóð til 70 ára aldurs
  • Sjá leitarsíðuna http://blodgjafi.is varðandi reglur Blóðbankans um heilsufar og blóðgjafir
  • Til baka
    Byggir á LiSA vefumsjónarkerfi frá Advania