Blóðbankinn

Blóðgjöf bjargaði lífi móður

Í nýjasta tölublaði Víkurfrétta er sagt frá ungri móður sem var hætt komin eftir bráðakeisara aðgerð og þurfti á blóðgjöf að halda.

Faðirinn hafði nýlega skráð sig sem blóðgjafa og var rækilega minntur á hvað það er mikilvægt að eiga nægar blóðbirgðir handa þeim sem á þurfa að halda. Frásögn þessara nýbökuðu foreldra hefur hreyft við mörgum og nú þegar hafa þó nokkrir nýir blóðgjafar bæst í hópinn.